जेठ महिनाका लागि प्रभु बैंकले कति निर्धारण गर्यो ब्याजदर ?

काठमाण्डौ । प्रभु बैंक लिमिटेडले जेठ १ गतेदेखि लागू हुनेगरी नयाँ ब्याजदर सार्वजनिक गरेको छ । बैंकले जेठ महिनाका लागि व्यक्तिगत र  संस्थागत दुवैको ब्याजदर स्थिर राखेको छ ।  

बैंकले जेठ महिनाका लागि व्यक्तिगत मुद्दती निक्षेपतर्फ अधिकतम ६.१०० प्रतिशत ब्याजदर निर्धारण गरेको छ ।  

बैंकले व्यक्तिगत मुद्दतीतर्फ ६ महिनादेखि २४ महिना अवधिका लागि ५.१०० प्रतिशत,१२ महिनादेखि ५ वर्ष अवधिका लागि ५.६०० प्रतिशत र ५ वर्षभन्दा माथिका लागि ६.१०० प्रतिशत ब्याजदर निर्धारण गरेको छ ।

यसैगरी बैकले संंस्थागत मुद्दती निक्षेपअन्तर्गत ६ महिनादेखि २४ महिनासम्मका लागि ३ प्रतिशत,१२ महिनामाथि देखि ५ वर्षसम्मका लागि ४ प्रतिशत र ५ वर्षभन्दा माथिको अवधकिा लागि ५ प्रतिशत ब्याजदरको व्यवस्था गरेको छ ।  

बैंकले प्रभु हाईब्रिड बचत खाता अन्तर्गत २४ महिनामाथि देखि ५ वर्षसम्मका लागि ५.६०० प्रतिशत र ५ वर्षभन्दा माथिको अवधकिा लागि ६.१०० प्रतिशत ब्याजदरको व्यवस्था गरेको छ । साथै स्वर्णिम मुद्दती बचत खाताअन्तर्गत(व्यक्तिगत मात्रै)५ वर्ष अवधिका लागि ६.१०० प्रतिशत ब्याजदर तोकेको छ ।