हाईड्रो समूह हालसम्मकै उच्च विन्दुमा, कारोबार पनि सर्वाधिक

काठमाण्डौ । नेपाल स्टक एक्सचेञ्ज(नेप्से)मा हाईड्रो समूह हालसम्मकै उच्च विन्दुमा पुगेको छ । बिहिबारको कारोबारमा हाईड्रो समूह २ प्रतिशत अर्थात ७७.४७ अंकले बढ्दै नयाँ उचाईमा पुगेको हो ।

यो वृद्धिसँगै्र हाईड्रो समूह ३ हजार ९४१.९५ विन्दुमा पुगेको छ । यसअघि २०७८ साल भदौ २ गते हाईड्रो समूह ३ हजार ८७७ को विन्दुमा पुगेको थियो । त्यसबखत नेप्से परिसूचक ३ हजार १९८ विन्दुमा रहेको थियो ।

यस्तै आजको कारोबारमा हाईड्रो समूहको सर्वाधिक कारोबार भएको छ । आज यो समूहको करिब ४६ प्रतिशत अर्थात ८ अर्ब ४० करोड रुपैयाँबराबरको कारोबार भएको छ ।