प्रभु बैंकका सीईओ र डिसीईओ पक्राउ ,रश्मि पन्त फरार

काठमाण्डौ । प्रभु बैंकका प्रमुख कार्यकारी अधिकृत(सीईओ) र नायब प्रमुख कार्यकारी अधिकृतसहितका उच्च पदस्थ कर्मचारीहरुलाई प्रहरीले पक्राउ गरेको छ । आज केही बेरअघि बिजुलीबजारस्थित प्रभु बैंकको मुख्य कार्यालयबाट बैंकका सीईओ अशोक शेरचन ,डिसीईओ मणीराम पोखरेललगातका उच्च पदस्थहरुलाई सीआईबीको टोलीले नियन्त्रणमा लिएको हो ।

घटनाको विषयलाई पृष्टि गर्दै सीआईबीका प्रवक्ता शिवकुमार श्रेष्ठले बैंकिक कसुर अन्तर्गतको अनुसन्धानका क्रममा उनजीहरुलाई पक्राउ गरिएको प्रष्ट पारे । ‘हाम्रो टोलीले उनीहरु दुईजना बाहेक अरुलाई पनि पक्राउ गरेको छ । विस्तृत विवरण केही समयपछि सार्वजनिक गछौं,’ उनले भने ।  

यसैबीच प्रभु बैंककै प्रमुख व्यवसाय अधिकृत रश्मि पन्त भने भागेर महेन्द्रनगर पुगेको उनी निकट स्रोतले जनाएको छ । सीआईबीले उच्च पदस्थहरुलाई पक्राउ गर्दैछ भन्ने सूचना पाएपछि घर जाने बहानामा उनी हिजो बेलुकै महेन्द्रनगर पुगेकी हुन् ।