निभिक्स फर्मास्युटिकल्सले आईपीओ निष्कासन गर्ने, साधारण सभा आह्वान

काठमाण्डौ । निभिक्स फर्मास्युटिकल्स लिमिटेडले सर्वसाधारणहरुका लागि आईपीओ निष्कासन गर्ने भएको छ । आईपीओ जारी गर्ने प्रस्तावसहित कम्पनीले आगामी पुस १८ गते साधारण सभा गर्ने भएको छ ।

उक्त निर्णय कम्पनीको सञ्चालक समितिको मंसिर २५ गते, बिहीबार बसेको बैठकले गरेको हो । साधारण सभा पोखरा इभेन्ट सेन्टर, पोखरामा आयोजना हुनेछ ।

सभामा चार वटा सामान्य तथा तीन वटा विशेष प्रस्ताव पेस गरिनेछ । आईपीओ निष्कासनसम्बन्धी बाँकी प्रक्रिया अघि बढाउन आवश्यक सम्पूर्ण अधिकार सञ्चालक समितिलाई प्रदान गर्ने विशेष प्रस्ताव मुख्य एजेन्डामा रहेको कम्पनीले जानकारी गराएको छ ।

कम्पनीको उत्पादन फ्याक्ट्री तनहुँमा अवस्थित रहेको छ र सार्वजनिक निष्कासनमार्फत व्यवसाय विस्तार तथा संस्थागत सुदृढतामा महत्वपूर्ण कदम अघि बढाउने तयारी रहेको छ ।