(2).gif)
.png)
काठमाण्डौ । २ मेघावाट विद्युत उत्पादन क्षमता भएको अपर रिचेत हाइड्रोपावर प्रालिले आईपीओ निष्कासनको तयारी गरेको छ । कम्पनीले आईपीओ निष्कासन प्रयोजनका लागि आरविवि मर्चेन्ट बैंकिङ लिमिटेडलाई निष्काशन तथा बिक्री प्रबन्धक तोकेको छ।
यस सम्बन्धमा फागुन २६ गते अपर रिचेत हाइड्रोपावर र आरबिबि मर्चेन्ट बैंकिङबीच एक सम्झौता सम्पन्न भएको छ। सम्झौतामा अपर रिचेत हाइड्रोपावरका तर्फबाट कार्यकारी अध्यक्ष आनन्द प्रधान र आरविवि मर्चेन्ट बैंकिङका तर्फबाट प्रमुख कार्यकारी अधिकृत बद्रि प्रसाद प्याकुरेलले हस्तक्षर गरे।
कम्पनीले आफ्नो ४० करोड चुक्तापूँजीको २० प्रतिशत अर्थात् ८ करोड पूँजीबराबरका ८ लाख कित्ता साधारण सेयरहरु निकट भविष्यमै सर्वसाधारणमा निष्काशन गर्नेछ।
आईपीओ प्रक्रियाकै लागि कम्पनीले आफूलाई तुरुन्तै पब्लिक कम्पनी बनाउने र क्रेडिट रेटिङको कार्य पनि अघि बढाएको छ। कम्पनीले आगामी साउन÷भदौ महिनामा आईपीओमा जाने योजना रहेको बताएको छ।
कम्पनीले २०८१ को भदौ महिना देखि विद्युत उत्पादन गरिरहेको छ। कम्पनीको हाइड्रोपावर प्रोजेक्ट गोरखा जिल्लाको धार्चे गाबिसमा रहेको छ।
.png)
.jpg)
.jpg)
.jpg)
