धमाधम आइपीओ आउँदै, टक्सार पिखुवा हाइड्रोपावरले पायो निष्कासनको अनुमति

काठमाण्डौ । टक्सार पिखुवा खोला हाइड्रोपावर लिमिटेडले आइपीओ निष्कासनको अनुमति पाएको छ । कम्पनीले १०० रुपैयाँ अंकित मूल्यमा आइपीओ जारी गर्न नेपाल धितोपत्र बोर्डबाट आजै अनुमति पाएको हो ।  

अब कम्पनीले ४२ करोड ३० लाख रुपैयाँ बराबरको ४२ लाख ३० हजार ६६८ कित्ता सेयर निष्कासन गर्नेछ । कम्पनीको धितोपत्र निष्कासन तथा बिक्री प्रबन्धकमा प्रभु क्यापिटल लिमिटेड रहेको छ ।  

कम्पनीले पहिलो चरणमा आयोजना प्रभावित स्थानीय बासिन्दा र वैदेशिक रोजगारमा गएका नेपालीहरुका लागि आइपीओ निष्कासन गरेपछि दोस्रो चरणमा सर्वसाधारणका लागि जारी गर्नेछ ।