अविरल हाईड्रोपावरले आईपीओ निष्कासन गर्ने

काठमाण्डौ । अविरल हाईड्रोपावर कम्पनी लिमिटेडले सर्वसाधारणका लागि आईपीओ निष्कासन गर्ने प्रस्ताव पारित गर्न साधारण सभा डाकेको छ । वैशाख १३ गते बसेको कम्पनीको सञ्चालक समितिको बैठकले आगामी जेठ १६ गते प्रथम वार्षिक साधारण सभा डाकेको हो ।  

उक्त सभा झापामा रहेको कम्पनीको रजिष्टर्ड कार्यालयमा बिहान ११ बजेदेखि सुरु हुनेछ । सभामा कम्पनीको आईपीओ निष्कासन गर्ने सम्बन्धी प्रस्तावमाथि छलफल गर्ने र सो सम्बन्धी आवश्यक सम्पूर्ण कार्य गर्न तथा प्रक्रिया अघि बढाउन सञ्चालक समितिलाई अख्तियारी प्रदान गर्ने विशेष प्रस्ताव पारित गरिनेछ ।  

यस्तै आईपीओबाट प्राप्त रकमको उपयोगका बारेमा निर्णय समेत गरिनेछ ।  

सभामा गत आवको वार्षिक प्रतिवेदन तथा सम्पूर्ण वित्तीय विवरणहरुमाथि छलफल गरिन पारित गरिनुका साथै सञ्चालक समितिको गठन तथा अनुमोदन गरिनेछ ।