सीआईटीको नाफा ९.६७ प्रतिशतले वृद्धि, आम्दानी १.६४ अर्ब

काठमाण्डौ । नागरिक लगानी कोष (सीआईटी)ले चालु आर्थिक वर्षको तेस्रो त्रैमासको अपरिष्कृत वित्तीय विवरण सार्वजनिक गरेको छ । जसअनुसार कोषले ९८ करोड ६० लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ९.६७ प्रतिशतले बढी हो । अघिल्लो आवको तेस्रो त्रैमाससम्म कोषले ८९ करोड ९० लाख रुपैयाँबराबरको खुद नाफा आर्जन गरेको थियो ।

यो अवधिमा कोषले १ अर्ब ६४ करोड ७ लाख रुपैयाँबराबरको कुल आम्दानी गरेको छ । जुन अघिल्लो आवको तुलनामा ७.३२ प्रतिशतले बढी हो । अघिल्लो आवको सोही अवधिसम्म कोषले १ अर्ब ५२ करोड ८८ लाख रुपैयाँबराबरको कुल आम्दानी गरेको थियो ।  

कोषले आर्जन गरेको कुल आम्दानीमा २५ करोड ९८ लाख ब्याज आम्दानी, १ अर्ब ३० करोड सेवा शुल्क तथा कमिसन आम्दानी र ७ करोड ३७ लाख रुपैयाँबराबरको विविध आम्दानी रहेको छ । कोषको कुल खर्च १.१५ प्रतिशतले घटेको छ । अघिल्लो आवमा ३२ करोड ८८ लाख रुपैयाँ रहेको कुल खर्च घटेर ३२ करोड ५० लाख रुपैयाँ पुगेको छ ।  

कोषले ३ खर्ब ११ अर्ब रुपैयाँबराबरको कुल लगानी गरेको छ । जसमा मुद्धती निक्षेपमा १ खर्ब ३४ अर्ब ,नेपाल सरकारको ऋणपत्रमा १५ अर्ब ७० करोड  ,समयकालिन कर्जामा २६ अर्ब ३१ करोड ,संगठित संस्थाको सेयरमा ३२ अर्ब १ करोड र सहायक कम्पनीमा २ अर्ब ७२ करोड रुपैयाँ लगानी रहेको छ । कोषको बैंक मौज्दात १ अर्ब ६१ करोड र चालु सम्पत्ति ७ अर्ब ७४ करोड रुपैयाँ रहेको छ । कोषको जगेडा कोषको आकार १२ अर्ब ६८ करोड रुपैयाँबराबर रहेको छ ।  

समीक्षा अवधिसम्म कोषको प्रतिसेयर आम्दानी १९.३२ रुपैयाँ, प्रतिसेयर नेटवर्थ १४७.११ रुपैयाँ र लगानी प्रतिफल ४.३६ प्रतिशत कायम भएको छ ।