.gif)
_(1).gif)
.png)
काठमाण्डौ । आईफोन निर्माता कम्पनी एप्पलले आगामी सेप्टेम्बरमा आईफोन १६ ल्याउने तयारी गरेको छ । लञ्च हुनुअघि नै यो फोनको डिजाइन र फिचर्स लिक भएको छ । आईफोन १६ आईओएस १८ सहित लञ्च हुनेछ । जुन एप्पलको अहिलेसम्मको इतिहासमै सबैभन्दा ठूलो अपडेट हुनेछ ।
आईफोन १६ मा आईफोन ११ र १२ जस्तै भर्टिकल मोड्युल क्यामेरा हुनेछ ।
तर यसको डिजाइन भने केहि फरक हुनेछ । आईफोन १६ को क्यामेरा मोड्युल ‘पिल सेप्ड’ रहेको छ ।
एप्पलले आईफोन १६ प्रोको स्क्रिन ६.३ इन्च र आईफोन १६ प्रो म्याक्सको स्क्रिन ६.९ इन्चसम्म बढाउन सक्ने जनाइएको छ । आईफोन १६ र १६ प्लसमा आईफोन १५ प्लस मोडल जस्तै एक्सेस बटन प्रदान गरिनेछ । तथापी आईफोन १६ मा एउटा अर्को बटन देख्न सकिनेछ, जुन डेडिकेटेड क्यामेरा सटरका लागि हुनेछ ।
यस्तै यसमा पुरानो प्रोसेसर ए१७ बायोनिक प्रदान गरिनेछ । यो प्रोसेसर ३ एनएम आर्किटेक्चरमा निर्माण हुने र पहिलेभन्दा तीव्र हुनेछ ।
नन–प्रो मोडल आईफोन १६ र आईफोनमा प्लसमा क्यामेरा रिडिजाइनिङ गरिने सम्भावना रहेको छ । तर यी मोडलहरुको आकार एउटै हुनुका साथै ६०एचजेट डिस्प्ले हुने जनाइएको छ ।
नयाँ आईफोन १६ को लाइनअपमा ब्याट्रीको प्रविधि परिवर्तन गरिने र यसले ब्याट्री लामो समयसम्म टिक्ने जनाइएको छ । यसका साथै ब्याट्रीको चार्जिङ स्पीड पनि बढाइने छ ।
आईफोन १६ मा डुअल क्यामेरा सेटअप गरिनेछ । तर प्रो मोडलहरुमा भने तीनवटा क्यामेरा हुनेछ । प्रो मोडलमा नयाँ ४८ एमपी अल्ट्रावाइड सेन्सर देख्न सकिनेछ । जुन अहिलेको १२ एमपी सुटरको अपग्रेड हुनेछ ।
यस्तै आईफोन १६ प्रो म्याक्समा सुधारिएको ८ भाग भएको हाईब्रिड लेन्स पनि प्रदान गरिने सम्भावना रहेको छ । जसले कम लाइट र रात्रिसमयमा पनि गुणस्तरिय फोटो खिच्ने सहयोग गर्नेछ । आईफोन १६ प्रोमा आईफोन १५ प्रो म्याक्समा रहेको फाइभएक्स टेलिफोटो प्रदान गरिने सम्भावना समेत रहेको मिडिया रिपोर्टमा जनाइएको छ ।
आईफोन १६ मा अपग्रेड हुन लागेको सबैभन्दा ठूलो परिवर्तन भनेको आईओएस १८ हो । आईओएस १८ मा एआई फिचर्सहरु पनि रहने छन् । एआई जेनेरेटिभ फिचर्सले प्रयोगकर्ताका लागि कन्टेन्ट समराइज र ट्रान्सलेट गर्नेछ ।
कम्पनीले भिडियो रेकडिङका लागि नयाँ क्यापचर बटन पनि राख्ने भएको छ । यो बटन पावर बटनभन्दा केहि तल हुनेछ । आइफोन १६ प्रो र प्रो म्याक्सले वाइफाई ७ सर्पोट गर्नेछन् । यसले २.४,५ र ६ गेगाहर्ज ब्यान्डमा डेटा प्राप्त गर्न र पाउन सहयोग गर्नेछ । यसका साथै यसले वाइफाइ कनेक्सन तीव्र बनाउन सहयोग गर्नेछ ।
कम्पनीले आईफोन १६ लाइनअपका फोनहरुको आधार मूल्य यसअघिको सिरिजको तुलनामा १० प्रतिशतले वृद्धि गर्ने योजना बनाएको छ ।
.gif)
.png)
.jpg)
.jpg)
.gif)
.gif)
.gif)
