विश्वकपमा जर्मनीलाई हराएपछि पाराग्वेका राष्ट्रपतिले दिए सार्वजनिक बिदा

काठमाण्डौ । फिफा विश्वकप २०२६ अन्तर्गत भएको रोमाञ्चक नकआउट खेलमा चार पटकको विश्व च्याम्पियन जर्मनीलाई पराजित गर्दै अन्तिम १६ मा स्थान बनाएपछि पाराग्वे सरकारले देशभर सार्वजनिक बिदा घोषणा गरेको छ।

पाराग्वेले निर्धारित ९० मिनेट र अतिरिक्त समयसम्म १–१ को बराबरीपछि भएको पेनाल्टी सुटआउटमा जर्मनीलाई ४–३ ले हराउँदै प्रतियोगिताको सबैभन्दा ठूलो उलटफेरमध्ये एक नतिजा दर्ता गर्यो।

राष्ट्रपति सान्टियागो पेन्याले टोलीको ऐतिहासिक सफलताको सम्मानस्वरूप राष्ट्रिय सार्वजनिक बिदा घोषणा गर्दै यो जित केवल खेलकुदको उपलब्धि मात्र नभई राष्ट्रिय एकता, आत्मविश्वास र गौरवको प्रतीक भएको बताएका छन्।

जितपछि राजधानी असुन्सियोनसहित देशका विभिन्न शहरमा हजारौं समर्थक सडकमा उत्रिएर उत्सव मनाएका थिए। खेल सम्पन्न भएको बोस्टन स्टेडियम बाहिर पनि पाराग्वेका समर्थकहरूले उल्लासपूर्ण विजय उत्सव मनाएका थिए।

यस ऐतिहासिक जितसँगै पाराग्वे विश्वकपको अन्तिम १६ मा प्रवेश गरेको छ भने जर्मनी प्रतियोगिताबाट बाहिरिएको छ।