घोप्टेभीरमा फेरि पहिरो खस्दा रोकिएको पृथ्वी राजमार्ग खुल्यो

काठमाण्डौ । पृथ्वी राजमार्गको मलेखु–मुग्लिङ सडकखण्डअन्तर्गत घोप्टेभीरमा गएराति खसेको सुक्खा पहिरो हटाएपछि यातायात पुनः सञ्चालनमा आएको छ ।

जिल्ला प्रहरी कार्यालय धादिङका प्रहरी उपरीक्षक सुमित खड्काका अनुसार राति करिब ११ बजे पहिरो खसेपछि सडक अवरुद्ध भएको थियो । बाटो बन्द हुँदा रातिको यात्रामा रहेका यात्रुहरू राजमार्गमै अलपत्र परेका थिए ।

यसअघि हिजो दिउँसो पनि घोप्टेभीरमै पहिरो खसेको थियो । त्यतिबेला पहिरो पन्छाएर सडक खुलाउन नौ घण्टा लागेको थियो । दिउँसोको अवरोध हटेको केही घण्टामै फेरि पहिरो खस्दा सोही खण्डमा यातायात दोस्रोपटक रोकिएको हो ।