संविधानको धारा ७७(३) अनुसार प्रचण्ड सरकारलाई कामचलाउको जिम्मा

काठमाण्डौ । राष्ट्रपति कार्यालयले अर्को सरकार गठन नभएसम्मका लागि पुष्पकमल दाहाल नेतृत्वकै सरकारले कामचलाउको रुपमा काम गर्ने प्रष्ट पारेको छ ।  

प्रवक्ता शैलजा रेग्मी भट्टराईले एक विज्ञप्ति जारी गरी प्रचण्डले विश्वासको मत नपाएपछि राष्ट्रपति कार्यालयले सरकार कामचलाउ भएको जानकारी दिएकी हुन् । 

विज्ञप्तिमा अर्को सरकार गठन नभएसम्मका लागि प्रचण्ड नेतृत्वको सरकार नै काम चलाउको रुपमा रहने भनिएको छ ।  

नेपालको संविधानको धारा ७७ को उपधारा ३ बमोजिम अर्को मन्त्रीपरिषद गठन नभएसम्म यही मन्त्रीपरिषदले कार्य सञ्चालन गर्ने गरी सम्माननीय राष्टपतिले तोक्नुभएको छ । विज्ञप्तिमा भनिएको छ ।