विश्वभर माइक्रोसफ्टका ८५ लाख उपकरण प्रभावित

काठमाण्डौ । साइबर सेक्युरिटी कम्पनी क्राउडस्ट्राइकको सफ्टवेयर अपडेटका कारण आएको समस्याका कारण विश्वभर माइक्रोसफ्टका ८५ लाख उपकरण प्रभावित बनेका छन् । माईक्रोसफ्टले शनिबार एक ब्लग पोस्ट गर्दै यस्तो जानकारी दिएको हो ।

‘क्राउडस्ट्राइकको सफ्टवेयरमा देखिएको समस्याका कारण हामीले ८५ लाख उपकरण प्रभावित बनेको अनुमान गरेका छौं । जुन सम्पूर्ण विन्डो मेशिनको १ प्रतिशतभन्दा कम हो ।’माइक्रोसफ्टले ब्लगमा लेखेको छ ।

गत शुक्रबार अमेरिकी साइबर सेक्युरिटी कम्पनी क्राउडस्ट्राइकको सफ्टवेयरमा आएको समस्याका विश्वभरका हवाई सेवा मिडिया स्वास्थ्य र बैंकिङ सेवा प्रभावित बनेका थिए ।

यो समस्याका कारण प्रभावित उपकरणको संख्या उल्लेख्य रुपमा कम भएपछि यसले विश्वभरको आर्थिक र सामाजिक क्षेत्रमा पारेको प्रभाव भने उल्लेख्य रहेको माइक्रोसफ्टले जनाएको छ ।