.gif)
_(1).gif)
.jpg)
.png)
काठमाण्डौ । एनआइसी एशिया क्यापिटलद्वारा सञ्चालित म्युचुअल फण्डहरुको सम्पत्ति उल्लेख्य बृद्धि भएको छ । क्यापिटलद्वारा खुला तथा बन्दुमुखी गरी हाल ६ वटा म्युचुअल फण्ड सञ्चालित छन् ।
फण्डहरुले सार्वजनिक गरेको २०८१ असार मसान्तसम्मको वार्षिक वित्तीय विवरण बमोजिम क्यापिलटका योजनाहरुको आम्दानीसँगै सम्पत्ति बृद्धि भएको देखिएको छ ।
फण्डहरुले सेयरबजारमा तथा डिबेञ्चरमा लगानी गरी, मुद्दती निक्षेप तथा बैंक मौज्दातमा रहेका रकम बृद्धि गरी सम्पत्ति बढाएका छन् । यता फण्डहरुले आम्दानीतर्फ समेत ब्याज आम्दानी, लाभांश आम्दानी, धितोपत्र बिक्रीबाट लाभ र अन्य आम्दानी समेत बढाइरहेका छन् ।
(1).gif)
विभिन्न खालका आम्दानीको स्रोतहरु बढ्दै जाँदा एनआइसी एशिया क्यापिटलका फण्डरुको सम्पत्तिको मूल्य बृद्धि भएको हो ।
यता अघिल्लो आर्थिक वर्षको तुलनामा फण्डहरुको जम्मा खर्च पनि केहीको घटेको छ भने केहीको सामान्य मात्रै बृद्धि भएको छ । खर्च घट्दा फण्डहरुको सम्पत्ति मूल्य बृद्धि हुन पुगेको छ ।
एनआइसी एशिया फ्लेक्सी क्याप फण्ड
एनआइसी एशिया फ्लेक्सी क्याप फण्डको सम्पत्ति अघिल्लो आवको तुलनामा गत आवमा मात्रै ५.९० प्रतिशतले बृद्धि भएको छ । अघिल्लो आवको असार मसान्तसम्म १ अर्ब ९ करोड रुपैयाँ रहेको फण्डको सम्पत्ति गत आवको अन्त्यसम्म बृद्धि भई १ अर्ब १६ करोड रुपैयाँ पुगेको छ ।
त्यस्तै, फण्डको आम्दानी भने अघिल्लो आवको तुलनामा सामान्य घट्न पुगेको छ । अघिल्लो आवमा ९० करोड ९ लाख रुपैयाँ रहेको फण्डको आम्दानी घटेर ८८ करोड ९५ लाख रुपैयाँ कायम भएको छ । तर फण्डको लाभांश आम्दानी भने ६.५२ प्रतिशतले बृद्धि भई ३४ लाख ८७ हजार रुपैयाँ पुगेको छ । फण्डको अन्तिम नगद तथा बैंकमा मौज्दात रकम २६ करोड ९५ लाख रुपैयाँ रहेको छ ।
एनआइसी एशिया ग्रोथ फण्ड–२
गत आवको अन्त्यसम्म एनआइसी एशिया ग्रोथ फण्ड–२ को सम्पत्ति मूल्य ९१ करोड ६५ लाख रुपैयाँ रहेको छ । फण्ड गत आवमा मात्रै सञ्चालनमा आएको हो ।
फण्डको ब्याज आम्दानी, लाभांश आम्दानी, धितोपत्र बिक्रीबाट लाभ र अन्य आम्दानी गरी कुल आम्दानी २ करोड १७ लाख रुपैयाँ छ । साथै फण्डको अन्तिम नगद तथा बैंक मौज्दात रकम ३२ करोड ८ लाख रुपैयाँ रहेको छ ।
एनआइसी एशिया डायनामिक डेब्ट फण्ड
एनआइसी एशिया डायनामिक डेब्ट फण्डले पनि ३६ प्रतिशतले सम्पत्ति भ्यालु बढाएको छ । गत आवको अन्त्यसम्म फण्डको सम्पत्ति मूल्य ८३ करोड ७१ लाख रुपैयाँ छ । अघिल्लो आवमा फण्डको सम्पत्ति मूल्य ६१ करोड ५५ लाख रुपैयाँ थियो ।
साथै फण्डको ब्याज आम्दानी, लाभांश आम्दानी र अन्य आम्दानीहरु पनि २९।४८ प्रतिशतले बृद्धि भएको छ । गत आवमा फण्डको कुल आम्दानी ७ करोड ९५ लाख रुपैयाँ रहेको छ । अघिल्लो आवमा भने फण्डको कुल आम्दानी ६ करोड १४ लाख रुपैयाँ थियो । फण्डको अन्तिम नगद तथा बैंकमा मौज्दात रकम २० करोड ९९ लाख रुपैयाँ रहेको छ । जुन यो अघिल्लो आवको तुलनामा ९२.८३ प्रतिशतले बढी हो ।
एनआइसी एशिया सेलेक्ट–३०
एनआइसी एशिया सेलेक्ट–३० बन्दमुखी योजना हो । यो योजनाको सम्पत्ति पनि ५.२१ प्रतिशतले बृद्धि भएको छ । अघिल्लो आवमा १ अर्ब ३६ करोड रुपैयाँ सम्पत्ति रहेको यस फण्डको गत आवमा ५.२१ प्रतिशतले बृद्धि भई १ अर्ब ४३ करोड रुपैयाँ पुगेको छ ।
फण्डको कुल आम्दानी भने अघिल्लो आवको तुलनामा घट्न पुगेको छ । गत आवमा फण्डको कुल आम्दानी ११ करोड ४७ लाख रुपैयाँ छ । जुन यो अघिल्लो आवको तुलनामा १७.५८ प्रतिशत कम हो । अघिल्लो आवमा फण्डको कुल आम्दानी १३ करोड ९१ लाख रुपैयाँ थियो ।
कुल आम्दानी घटेपनि फण्डको लाभांश आम्दानी भने १०५.२२ प्रतिशतले बढेर ५० लाख ९४ हजार रुपैयाँ पुगेको छ ।
फण्डको अन्तिम नगद तथा बैंकमा मौज्दात रकम २७ करोड ८ लाख रुपैयाँ रहेको छ ।
एनआइसी एशिया ग्रोथ फण्ड
एनआइसी एशिया ग्रोथ फण्डको गत आवको अन्त्यसम्म जम्मा आम्दानी ६ करोड २४ लाख रुपैयाँ पुगेको छ । जुन यो अघिल्लो आवको तुलनामा ८.२० प्रतिशतले बढी हो । अघिल्लो आवमा फण्डको जम्मा आम्दानी ५ करोड ७७ लाख रुपैयाँ थियो ।
यता फण्डको कुल सम्पत्ति मूल्य भने अघिल्लो आवको तुलनामा गत आवमा सामान्य घट्न पुगेको छ । अघिल्लो आवमा १ अर्ब ५४ लाख रुपैयाँ रहेको फण्डको सम्पत्ति ४.१८ प्रतिशतले घटेर ९६ करोड ३४ लाख रुपैयाँ सीमित भएको छ । फण्डको सेयरमा तथा डिबेञ्चरमा लगानी घटेपनि मुद्दती निक्षेप तथा बैंक मौज्दात र अन्य चालु सम्पत्ति भने बृद्धि भएको छ ।
फण्डको अन्तिम नगद तथा बैंकमा मौज्दात रकम २१ करोड ३३ लाख रुपैयाँ रहेको छ ।
एनआइसी एशिया ब्यालेन्स्ड फण्ड
एनआइसी एशिया ब्यालेन्स्ड फण्डको जम्मा आम्दानी उल्लेख्य बढ्न पुगेको छ । अघिल्लो आवमा ४ करोड ८१ लाख रुपैयाँ रहेको फण्डको कुल आम्दानी गत आवमा ४४.१५ प्रतिशतले बढेर ६ करोड ९४ लाख रुपैयाँ पुगेको छ ।
यता फण्डको कुल सम्पत्ति भने सामान्य घटेको छ । गत आवको अन्त्यसम्म फण्डको सम्पत्ति मूल्य ८३ करोड ५० लाख रुपैयाँ छ । जुन यो अघिल्लो आवको तुलनामा २.४३ प्रतिशतले कम हो । अघिल्लो आवमा फण्डको सम्पत्ति ८५ करोड ५८ लाख रुपैयाँ थियो ।
फण्डको सेयरमा गरिएको लगानी र अन्य चालु सम्पत्ति, कर्जा तथा प्राप्त बाँकी रकम भने अघिल्लो आवको तुलनामा बृद्धि भएको छ । फण्डको अन्तिम नगद तथा बैंकमा मौज्दात रकम ८ करोड ३० लाख रुपैयाँ रहेको छ ।
.gif)
.png)
.jpg)
.jpg)
.gif)
.gif)
