.gif)
.gif)
.png)
काठमाण्डौ । चालु आर्थिक वर्षको पहिलो महिनामा नै सरकारले सेयर बजारबाट ४ अर्र्ब २४ करोड राजश्व उठाएको छ । एक महिनाको अवधिमा बजार एक हजार अंकले बढ्दा लगानीकर्ताहरुले सरकारलाई ४ अर्ब बढीको राजश्व तिरेका हुन् ।
गत आर्थिक वर्ष २०८०/८१ मा सरकारले पूँँजीबजारबाट ५ अर्ब ५० करोड ७७ लाख रुपैयाँबराबरको राजश्व संकलन गरेको थियो । यो रकम आर्थिक वर्ष २०७९÷८० को तुलनामा ४६ प्रतशितले बढी हो ।
आर्थिक वर्ष २०७९/८० मा सरकारले पूँजीबजारबाट जम्मा २ अर्ब ९७ करोड राजश्व संकलन गरेको थियो ।
सरकारले पूँँजीबजारबाट आर्थिक वर्ष २०७८/७९ मा १० अर्ब ३५ करोड र आर्थिक वर्ष २०७७/७८ मा भने सरकारले १५ अर्ब भन्दा बढीको राजश्व उठाएको थियो । त्यस वर्ष सेयर बजार हालसम्मै उच्च विन्दु ३२ सय विन्दु पुगेको थियो । त्यस वर्ष एकै दिन २१ अर्बमाथिको कारोबार भएको थियो ।
सेयर बजारमा दीर्घकालीन भन्दा अल्पकालिन लगानीकर्ताले बढी पूँजीगत कर तिरेका हुन्छन् । अल्पकालिन लगानीकर्ताले नाफा भएको खण्डमा साढे ७ प्रतिशत र दीर्घकालिन लगानीकर्ताले ५ प्रतशित पूँजीगत कर तिर्दै आएका छन् । संस्थागत लगानीकर्ताले भने हाल १० प्रतिशत पूँजीगत लाभकर तिर्दै आएका छन् ।
.png)
(2).jpg)
.jpg)
.jpg)
(2).jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।