भारतमा सुनको माग ४ वर्षकै न्यून स्तरमा पुग्दै

काठमाण्डौ । भारतमा सुनको माग ४ वर्षकै न्यूनतर्फ उन्मुख भएको छ । विश्व बजारमा सुनको मूल्यले दैनिक नयाँ रकेर्ड कायम गर्दै गर्दा भारतमा सुनको माग ४ वर्षकै न्यून स्तरमा पुग्न लागेको वर्ल्ड गोल्ड काउन्सिलले जनाएको छ ।  

भारत सुन उपभोग गर्ने विश्वको दोस्रो ठूलो देश हो । सन् २०२४ मा भारतमा ७०० देखि ७५० मेट्रिक टनसम्म सुन उपभोग हुने प्रक्षेपण गरिएको छ । जुन सन् २०२० पछिकै न्यून हो । गत वर्ष भारतमा ७६१ टन सुन उपभोग भएको थियो ।  

विवाह,दीपावली जस्ता चाडपर्वका कारण भारतमा वर्षको अन्त्यतिर सुनको माग बढ्ने गरेको पाइन्छ ।  

तर यो वर्ष भने घरेलु बजारमा मूल्यमा आएको तीव्र गिरावटका कारण भारतीय उपभोक्ताहरुले अगस्ट महिनामे सुनको खरिद बढाएका थिए । भारत सरकारले जुलाईमा सुनको आयातमा ९ प्रतिशत कर छुटको व्यवस्था गरेको थियो ।