बोर्डमा होटल समूहका ३ कम्पनीले दिए आईपीओ निष्कासनका लागि आवेदन

काठमाण्डौ । नेपाल धितोपत्र बोर्ड(सेबोन)मा होटल समूहका ३ वटा कम्पनीले आईपीओ निष्कासनको अनुमति माग गर्दै आवेदन दिएका छन् । सेबोनमा आवेदन दिनेमा ठमेल होटल प्लाजा,अकामा होटल र बन्दीपुर केबलकार एण्ड टुरिजम रहेका छन् ।  

यी कम्पनीमध्ये ठमेल होटलले १० करोड रुपैयाँबराबरको १ लाख कित्ता, अकामा होटलले २२ करोड ५० लाख रुपैयाँबराबरको ४५ लाख कित्ता र बन्दीपुर केबलकारले ३० करोड ६० लाख रुपैयाँबराबरको ३० लाख ६० हजार कित्ता सेयर निष्कासनको माग गरेका छन् ।  

यी कम्पनीहरुले छुट्टा– छुट्टै मितिमा आईपीओ निष्कासनका लागि आवेदन दिएका छन् ।  

ठमेल होटल प्लाजाको आईपीओ निष्कासन तथा बिक्री प्रबन्धकको रुपमा नेपाल एसबीआई मर्चेन्ट बैंकिङ,अकामा होटलको सानिमा क्यापिटल र बन्दीपुर केबलकार एण्ड टुरिजमको नेपाल एसबीआई मर्चेन्ट बैंकिङ रहेको छ ।