हकप्रद बिकाउन कम्पनीहरुलाई हम्मे-हम्मे, आवेदन दिने समय बढाउँदा पनि बिक्री हुन छाड्यो !
काठमाण्डौ । सेयर बजारमा सूचीकृत कम्पनीहरुले ऋण तिर्न तथा नयाँ काम गर्ने उद्देश्यले हकप्रद सेयर निश्कासन गर्ने लहर चले पनि लगानीकर्ताको आकर्षण भने घट्दै गएको देखिएको छ । वित्तीय प्रदर्शन सन्तोषजनक नभएका कम्पनीहरुले पूँजीको आकार बढाउन हकप्रद निश्कासन गरे पनि लगानीकर्ताले राम्रो रिटर्न नहुने देखेपछि त्यसप्रति चासो कम दिन थालेका देखिएको छ ।