.gif)
_(1).gif)
.jpg)
काठमाण्डौं । केहि समय यता नेपाल स्टक एक्सचेञ्च(नेप्से)मा सेयर बिक्री गरेबापतको पैसा नपाएको गुनासो दैनिकजसो आउन थालेको छ । विशेषगरी यस्ता गुनासो देशबाट भन्दा पनि विदेशबाट बढी आईरहेको ब्रोकरले बताएका छन् । सेयर बिक्री गरेको रकम नपाएको भन्दै ३३ वटा ब्रोकरविरुद्ध ६०३ भन्दा बढी उजुरी परेको छ ।
नेप्सेले उजुरी परेका ३३ वटा ब्रोकरहरुको नाम नेप्सेको कार्यालयको भित्तामा टाँसेर नै राखेको छ । लगानीकर्ताले सेयर बिक्रीबापतको रकम नपाउनुको कारणबारे प्रश्न गर्दा एक ब्रोकरले पैसा नपाउने समस्या नितान्त प्राविधिक समस्या भएको बताएका छन् ।
धेरै लगानीकर्ताले हिमालयन रि इन्स्योरेन्सको सेयर बैदेशिक रोजगारीको एनआरएन खाताबाट भरेको र यो खाताबाट सेयरको लागि आवेदन दिन मिल्ने तर सेयर बिक्रीबापतको रकम भने हाल्न निमल्ने उनले दाबी गरे । त्यहि कारण लगानीकर्ताको खातामा सेयर बेचेको पैसा खातामा जम्मा नभएको ती ब्रोकरले दाबी गरे ।
(1).gif)
दोस्रो कारण बैंकहरु मर्ज भएर ग्राहकको खाता नम्बर परिर्वतन हुँदा पनि ब्रोकरबाट लगानीकर्ताको खातामा रकम जम्मा नभएको ती ब्रोकरले बताए । कतिपय ग्राहकको फोन सम्पर्क हुन नसक्दा समेत ग्राहकको खातामा पैसा जम्मा गर्न नसकिएको ब्रोकर बताउँछन् । अहिले प्राय जसो लगानीकर्ताले अनलाइनमार्फत कारोबार गर्ने भएकाले यस्तो समस्या सिर्जना भएको ब्रोकरहरु बताउँछन् ।
सर्वप्रथम त कारोबारमा धेरै समस्या आउने गर्छ । यस्ता समस्या समधानको लागि लगानीकर्ताले बैंकबाट एसएमएसको सुविधा लिनु पर्ने खाता अनलाइन मार्फत चलाउनु पर्ने हुन्छ । यदि बेचेको कम्पनीको सेयर बुक क्लोजको भएको खण्डमा पनि रकम ढिला गरी सेयरधनीको खातामा जम्मा हुने ब्रोकर बताउँछन् ।
‘लगानीकर्ताहरुले ब्रोकरलाई अनलाईन, ह्वाट्स एप,भाइबर मार्फत पनि सम्पर्क गर्न सक्छन् । म्यासेज मार्फत सम्पर्क गर्न पनि सकिन्छ । मेरो विचारमा ब्रोकरले पैसा नदिने भन्ने नै हुन्न । लकडाउनको समयमा २१ अर्वको कारोबारमा पनि राफसाफ भयो भने अहिले नहुने भन्ने हुँदैन ’ ती ब्रोकरले भने ।
नेप्सेका प्रवक्ता मूराहरी पराजूलीले लगनीकर्ताहरुले पैसा नपाएको भन्दै नेप्सेको गुनासो शाखामा इमेल मार्फत दैनिकजसो उजुरी आउने गरेको बताए । इमेल मार्फत गूनासो आउने भएको कारण कहाँबाट कसले पठायो भन्ने निश्चित नहुने पराजुलीले बताए । त्यस्ता समस्याहरुलाई नेप्सेले ब्रोकरहरुसँग सोधखोज गरेर समधान गर्ने गरेको पनि उनले जानकारी दिए ।
.gif)
.jpg)
.jpg)
.jpg)
.png)
.png)
.gif)
.gif)
