.gif)
_(1).gif)
.png)
काठमाण्डौ । एशियाका शीर्ष धनाढ्य तथा विश्वका १० औँ धनाढ्य मुकेश अम्बानीका कान्छा छोरा अनन्त अम्बानीले आफ्ना दाई आकाश अम्बानीसँग कुनै पनि व्यवसायिक प्रतिष्पर्धा नरहेको बताएका छन् ।
आगामी १२ जुलाईमा राधिका मचेन्टसँग विवाह बन्धनमा बाधिन लागेका अनन्तले इण्डिया टुडेसँगको अन्तर्वातामा यस्तो बताएका हुन् । उनले भने,‘मलाई कुनै प्रकारको चिन्ता छैन । मेरो दाई मेरो राम हो र बहिनी आमा समान छिन् र हाम्रो बीचमा बिजनेस लाई लिएर कुनै पनि प्रतिष्पर्धा छैन ।’
रिलायन्स घरानाका संस्थापक धीरुभाई अम्बानीको निधनपश्चात भएको विभाजन जस्तै सम्भावनाको विषयमा गरिएको प्रश्नलाई उनले नकारेका छन् । ‘जब तपाई अन्य मानिसको कुरा सुन्नुहुन्छ तब परिवारभित्र प्रतिष्पर्धाको सम्भावना बढ्छ । तर एक अर्काप्रति पूर्ण विश्वास कायम गर्नुहुन्छ भने यस्तो कुनै पनि सम्भावना बाँकी रहदैन ।’ उनले भने ।
(1).gif)
उनले दाजु र बिहिनीसँग एकदमै निकटको सम्बन्ध रहेको बताए । व्यवसायसँग सम्बन्धीत प्रश्नमा बुवा मुकेश अम्बानीलाई आफ्नो प्रेरणाको स्रोत बताउँदै उनले भने ,‘हाम्रो ध्यान सोलर उर्जा र ग्रिन–बायो इनर्जीमा केन्द्रीत छ । हामी प्रतिष्पर्धाका बारेमा कत्ति पनि सोच्दैनौ । बुवाले पनि सधै प्रडक्टमा ध्यान दिन र प्रतिष्पर्धामा ध्यान नदिन सुझाव दिइरहनुहुन्छ । उहाले काममा सफलता–असफलतापश्चात त्यसको चिरफार नगर्न र अघि बढ्ने मार्ग निर्देश गुर्नहुन्छ ।’
उनले आफु घरको कान्छो भएकाले व्यवसायमा दाई आकाश अम्बानी र बहिनी इर्शासँग व्यवसायका बारेमा सल्लाह–सुझाव माग्ने गरेको बताए ।
सन् २००२ धीरुभाई अम्बानीको निधन भएपछि रिलायन्स परिवारले कष्टपूर्ण विभाजनको सामना गरेको थियो । त्यसबेला रिलायन्सको विशाल कारोबारलाई उनका दुई छोरा मुकेश र अनिल अम्बानीबीच बाँडफाँड गरिएको थियो । त्यसबेला नयाँ कारोबारको जिम्मा कान्छा छोरा अनिल अम्बानीलाई दिइएको थियो । जसमा टेलीकम,फाइनान्स, र उर्जा कारोबार समावेश थियो । जेठा छोरा मुकेश अम्बानीलाई पुराना व्यवसाय जस्तै,पेट्रोकेमिकल,टेक्सटाइल,रिफाइनरी,तेल–ग्यासको कारोबारको जिम्मेवारी दिइएको थियो । तर आज मुकेश अम्बानी एशियाको सबैभन्दा धनी व्यक्ति छन् भने अनिल अम्बानी ऋणमा डुबेका छन् । -एजेन्सी
.gif)
.png)
.jpg)
.jpg)
.jpg)
.gif)
(1).gif)
.gif)
