.gif)
_(1).gif)
.png)
काठमाण्डौ । नेपाली कांग्रेसका सभापति शेरबहादुर देउवाले गरेको प्रधानमन्त्रीको अफर नेकपा एमालेले अस्वीकार गरेको छ।
कांग्रेसले विदेशीको इशारामा बन्दै गरेको बाम समीकरण भत्काउने प्रयास गरेको भन्दै एमालेले प्रधानमन्त्रीको अफर अस्वीकार गरेको हो ।
मंगलबार राति कांगे्रेस सभापति देउवाले नयाँ गठबन्धन भत्काउने उद्देश्यले एमाले अध्यक्ष ओलीलाई प्रधानमन्त्रीको अफर गरेका थिए । राष्ट्रियसभा अध्यक्षमा समेत एमाले उम्मेद्वारलाई समर्थन गर्ने उनको प्रस्ताव थियो ।
तर, एमालेले सत्ताबाट बिमुख हुनुपर्दाको पीडा कम गर्न कांग्रेसले असफल खेल खेलेको निश्कर्ष निकाल्दै अहिलेको गठबन्धनलाई नै बलियो बनाएर अगाडि बढ्ने निश्कर्ष निकालेको एमालेका उपमहासचिव प्रदीप ज्ञवालीले जानकारी दिएका छन् ।
कांग्रेसबाट प्रधानमन्त्री लिएर नयाँ गठबन्धन बनाउन औपचारिक प्रस्ताव आएको दाबी गर्दै ज्ञवालीले आफूहरुले अहिले बनेको नयाँ समीकरण भत्काउनतिर नलाग्ने प्रष्ट जवाफ दिएको बताए ।
नेपाली कांग्रेसका सभापति शेरबहादुर देउवा नयाँ गठबन्धन भत्काउने उद्देश्यले आज बिहान कोटेश्वरस्थित एकीकृत समाजवादीका अध्यक्ष माधवकुमार नेपाललाई भेट्न गएका थिए । देउवाले नेपाललाई समेत सत्ता सहकार्य मात्र नभई सरकारकै नेतृत्व लिनेसम्मको प्रस्ताव गरेका थिए । देउवाको प्रस्तावमा नेपालले आजै पार्टीको सचिवालय बैठक राखेको र सो बैठकमा कांग्रेसको प्रस्ताव राखिदिने बताएका थिए ।
समाजवादीका नेताहरुले एमाले र माओवादी सम्मिलित गठबन्धनमै सहभागी भएर अगाडि बढ्न आफूहरु सकारात्मक रहेको बताएका छन् ।
यसरी सत्ताबाट विमुख हुनुपरेको पीडामा कांग्रेसले रास्वपादेखि एमालेसम्मका शीर्ष नेताहरुले प्रधानमन्त्री लगायतका अफर फाले पनि त्यो सफल हुने सम्भावना भने कम देखिएको छ । बरु कांग्रेसको यो दौडधूपले साना दलहरुको बार्गेन पावर बढाइदिने काम गरेको छ ।
सतहमा हेर्दा कांग्रेसको दौडधूप देखिए पनि अन्तर्यमा चाहिँ भारतीय शक्तिले बाम घटकहरुको एकतालाई कुनै पनि हालतमा भत्काउने प्रयास गरेको देखिएको छ । भारतीय चलखेललाई अमेरिका लगायतका देशहरुको साथ छ ।
बाम घटेको मिलेर नयाँ सत्ता गठबन्धन बनेकोमा चीन चाहिँ खुशी देखिएको छ । हिजो मात्रै चिनियाँ राजदूतले नयाँ गठबन्धन बनेपछि राजनीतिक स्थिरता हुने आशा व्यक्त गरेकी थिइन् ।
.gif)
.png)
.jpg)
.jpg)
.jpg)
.gif)
.gif)
.gif)
