नेप्सेमा थपियो ६ कम्पनीको बोनस सेयर, कुनको कति ?

काठमाण्डौ । नेपाल स्टक एक्सचेन्ज (नेप्से) मा एकैदिन ६ कम्पनीको बोनस सेयर सूचीकृत भएको छ । शुक्रबार ३ वटा लघुवित्तसहित ६ वटा कम्पनीको बोनस सेयर सूचीकृत भएको हो ।  

सन नेपाल लाइफ इन्स्योरेन्सको ५ प्रतिशत दरको कुल २५ लाख १५ हजार ६१६ कित्ता, स्वरोजगार लघुवित्तको १४.२५ प्रतिशत दरको ११ लाख १७ हजार ९१ कित्ता, स्वावलम्बन लघुवित्तको ५.६३६५ प्रतिशत दरको ९ लाख ३३ हजार ७५० कित्ता र छिमेक लघुवित्तको १२.५ प्रतिशत दरको ४० लाख १९ हजार १८२ कित्ता बोनस सेयर सूचीकृत भएको छ ।

साथै, सिक्लेस हाइड्रोको १५ प्रतिशत दरको १३ लाख ७५ हजार कित्ता र सर्वोत्तम सिमेन्टको ५ प्रतिशत दरको २४ लाख ८७ हजार ७५० कित्ता बोनस सेयर सूचीकृत भएको छ ।  

सूचीकृत सेयर आगामी आइतबारदेखि दोस्रो बजारमा कारोबारका लागि आउनेछ ।