झण्डै ५ करोड घाटामा रहेको माया खोला हाइड्रोपावरले कमायो रु.२.९२ करोड नाफा, इपीएस कति ?

काठमाण्डौ । माया खोला हाइड्रोपावर लिमिटेडले चालु आवको तेस्रो त्रैमाससम्ममा २ करोड ९२ लाख  रुपैयाँ नाफा कमाएको छ ।  

गत आवको सोही अवधिसम्म भने कम्पनीले ४ करोड ९२ लाख रुपैयाँ घाटा ब्यहोरेको थियो ।  

कम्पनीको विद्युत बिक्री आम्दानी बढ्दा नाफामा टेवा पुगेको हो । गत आवको तेस्रो त्रैमाससम्म बिजुली बेचेर २४ करोड ५७ लाख रुपैयाँ कमाएको यो कम्पनीले चालु आवको तेस्रो त्रैमाससम्म भने २९ करोड ६९ लाख रुपैयाँ कमाएको छ ।  

साथै कम्पनीको फाइनान्सियल कस्ट पनि घटेको छ । गत आवको तेस्रो त्रैमाससम्म १६ करोड १४ लाख रुपैयाँ वित्तीय खर्च भएकोमा चालु आवको सो अवधिसम्म यस्तो खर्च सुधारिएर १३ करोड ३४ लाख रुपैयाँमा सीमित भएको छ ।  

त्यस्तै, कम्पनीको प्रतिसेयर आम्दानी ३.९९ रुपैयाँ प्रतिसेयर नेटवर्थ ६३.२२ रुपैयाँ, तरलत अनुपात ०.४७ प्रतिशत र प्रतिसेयर कुल सम्पत्तिको मूल्य ३१२.३१ रुपैयाँ रहेको छ ।