(2).gif)
.png)
काठमाण्डौ । शान्ति, सद्भाव र सामाजिक एकताको आह्वान गर्दै शुक्रबार काठमाडौंको माइतीघर मण्डलामा नागरिक अपिल तथा ऐक्यबद्धता र्याली निकालिएको छ।
देशका विभिन्न स्थानमा द्वन्द्व र तनावका घटना बढ्न थालेपछि धार्मिक तथा साम्प्रदायिक सद्भाव कायम राख्न नागरिक अगुवाहरूले र्याली आयोजना गरेका हुन्।
र्यालीमार्फत तराई–मधेशमा देखिएको अशान्ति तत्काल रोक्न, धार्मिक तथा साम्प्रदायिक दंगा फैलिन नदिन र सबै समुदायबीच आपसी सम्मान तथा सहकार्य कायम गर्न सार्वजनिक अपिल गरिएको छ।
सहभागीहरूले ‘एक नेपाली, साझा जिम्मेवारी’, ‘सबैको सम्मान, सबैको सुरक्षा’, ‘सबैको नेपाल’, ‘विविधतामा एकता’ र ‘एकतामा शक्ति’ लगायतका सन्देश लेखिएका प्लेकार्ड प्रदर्शन गरेका थिए।
र्यालीमा विभिन्न पेसा, समुदाय र क्षेत्रको प्रतिनिधित्व गर्ने नागरिक अगुवा तथा सर्वसाधारणको सहभागिता रहेको थियो।
.png)
.jpg)
