.gif)
.png)
.png)
काठमाण्डौ । फाइनान्स कम्पनीहरुको नाफामा उल्लेख्य सुधार देखिएको छ । गत आर्थिक वर्ष २०८२–८३ को अन्त्यसम्म १४ फाइनान्स कम्पनीहरुले समग्रमा १ अर्ब ६४ करोड ३ लाख रुपैयाँ खुद नाफा कमाएका छन् ।
यो नाफा अघिल्लो आर्थिक वर्षको तुलनामा १४४.६६ प्रतिशत बढी हो । अघिल्लो आवमा कम्पनीहरुले समग्रमा ६७ करोड ४ लाख रुपैयाँ नाफा कमाएका थिए ।
कम्पनीहरुको ब्याज आम्दानीमा देखिएको सुधारसँगै इम्पेयरमेन्ट चार्ज घट्दा नाफा वृद्धि देखिएको हो । साथै अघिल्लो आर्थिक वर्षमा करोडौं घाटा ब्यहोरेका तीन कम्पनी गत आवमा नाफामा उक्लिएका छन्, जसकारण समग्र नाफा बढेको देखिएको हो ।
गत आवमा नेपाल फाइनान्सबाहेक सबै कम्पनीमा नाफामा देखिएका छन् । सबैभन्दा बढी मन्जुश्री फाइनान्सले ३७ करोड ६३ लाख रुपैयाँ नाफा कमाएको छ । कम्पनीको नाफा अघिल्लो आवको तुलनामा २०.३६ प्रतिशत वृद्धि भएको छ ।
यता नेपाल फाइनान्सले भने गत आवमा ६ करोड ९६ लाख रुपैयाँ घाटा ब्यहोरेको छ । अघिल्लो आवमा कम्पनीले ३८ लाख रुपैयाँ नाफा कमाएको थियो ।
अघिल्लो आवको तुलनामा गत आवमा रिलायन्स फाइनान्स र प्रोग्रेसिभ फाइनान्सको नाफा घटेको छ भने बाँकी सबैको उल्लेख्य बढेको छ ।
यता कम्पनीहरुको ब्याज आम्दानीमा सुधार देखिदा पनि नाफा वृद्धिमा टेवा पुगेको हो । गत आवमा फाइनान्स कम्पनीहरुले ३ अर्ब ९६ करोड ६९ लाख रुपैयाँ ब्याज आम्दानी गरेका छन् । यो आम्दानी अघिल्लो आवको तुलनामा ७.०७ प्रतिशत बढी हो ।
अधिकांशको एनपीएलमा सुधार
गत आर्थिक वर्षमा अधिकांश फाइनान्स कम्पनीको खराब कर्जा अनुपात (एनपीएल)मा सुधार देखिएको छ ।
कम्पनीहरुको एपनीएल सुधारिएका कारण ब्याज आम्दानी बढेर नाफामा वृद्धि देखिएको हो ।
वित्तीय विवरणअनुसार ९ फाइनान्स कम्पनीले एनपीएल सुधार गरेको छ भने ५ कम्पनीको भने वृद्धि भएको छ ।
तर गत आवमा ८ संस्थाको एनपीएल भने ५ प्रतिशत भन्दा माथि छ । नेपाल राष्ट्र बैंकको व्यवस्थाअनुसार बैंक तथा वित्तीय संस्थाको खराब कर्जा अनुपातको अवस्था ५ प्रतिशत वा सो भन्दा कम भएमा स्वस्थ वित्तीय अवस्था भएको मानिन्छ भने त्यो भन्दा बढी भएमा जोखिम बढेको मानिन्छ ।
गत आवमा सबैभन्दा धेरै एनपीएल जानकी फाइनान्सको ६१.५५ प्रतिशत छ । कम्पनीको यस्तो सूचक १२.९४ अंकले बढेको छ ।
सबैभन्दा कम आइसीएफसी फाइनान्सको १.८४ प्रतिशत रहको छ । कम्पनीले यस्तो अवस्था ०.२९ अंकले कम गरेर १.५५ प्रतिशत कायम गरेको छ ।
अधिकांश लाभांश दिन नसक्ने अवस्थामा !
फाइनान्स कम्पनीहरुले खुद नाफामा उल्लेख्य सुधार गरेपनि वितरणयोग्य मुनाफा अर्थात् लाभांश क्षमता भने अधिकांशको ऋणात्मक देखिएको छ ।
गत आवको वित्तीय विवरणअनुसार ८ कम्पनीको लाभांश क्षमता ऋणात्मक छ, अर्थात् उक्त कम्पनीहरुले गत आवको मुनाफाबाट यस वर्षका लागि लगानीकर्तालाई कुनै खालको लाभांश बाँड्न सक्दैनन् ।
बाँकी ५ कम्पनीको लाभांश क्षमता धनात्मक देखिएपनि गुहेश्वरी मर्चेन्ट बैंक एण्ड फाइनान्सको भने जम्मा ०.९९ प्रतिशत मात्रै छ । यसर्थमा कम्पनीले पनि यो वर्षको लागि लाभांश नबाँड्ने देखिन्छ ।
सबैभन्दा बढी लाभांश क्षमता भने मन्जुश्री फाइनान्सको ३१.१३ प्रतिशत रहेको छ ।
.png)
.png)
.jpg)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।