.gif)
(2).gif)
_(1).gif)
.png)
काठमाण्डौ । अन्नपूर्ण केबलकार लिमिटेडले आईपीओ निष्कासनको मुख्य अजेण्डासहित वार्षिक साधारण सभा डाकेको छ । कम्पनीको माघ १२ गते बसेको सञ्चालक समितिको बैठकले आगामी फागुन ११ गतेका लागि सभा डाकेको हो ।
उक्त सभा कास्की जिल्लाको पोखरा लेकसाइडमा आयोजना हुनेछ ।
सभामा सर्वसाधारणका लागि आईपीओ निष्कासन गर्ने र सो कार्यका लागि सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ ।
यस्तै सभामा गत आर्थिक वर्ष २०७९/८० को वार्षिक प्रतिवेदन तथा वित्तीय विवरणहरुमाथि छलफल गरी पारित गरिनेछ ।
कम्पनीले आईपीओ निष्कासनको अनुमति माग गर्दै गत पुस १६ गते नेपाल धितोपत्र बोर्डमा आवेदन दिएको छ । कम्पनीले सर्वसाधारण तथा स्थानियका लागि आईपीओ निष्कासनको अनुमति माग गरेको हो ।
कम्पनीले रु.१०० अंकित दरका ३१ करोड रुपैयाँबराबरको ३१ लाख कित्ता आईपीओको निष्कासन गर्ने तयारी गरेको हो । कम्पनीले आईपीओ निष्कासन तथा बिक्री प्रबन्धकमा मुक्तिनाथ क्यापिटललाई नियुक्त गरेको छ ।
.gif)
.png)
.jpg)
.jpg)
(6).png)
(52).jpg)
(1).gif)
