(1).gif)
(2).gif)
.jpg)
(1).gif)
.png)
काठमाण्डौ । पूर्वाञ्चल ल्युब आयल लिमिटेडले प्राथमिक बजारबाट पूँजी जुटाउने भएको छ । कम्पनीले आम सर्वसाधारणमा आईपीओ जारी गरी पूँजी जुटाउने योजना बनाएको हो ।
कम्पनीले आईपीओ निष्काशनको अजेण्डा पारित गर्न साधारण सभा डाकेको छ । कम्पनीको भदौ १७ गते बसेको सञ्चालक समितिको बैठकले दोस्रो वार्षिक साधारण सभा डाकेको हो । बैठकले आगामी असोज ९ गते बुधबारका दिन काठमाण्डौको एयरपोर्ट होटल सिनामंगलमा बिहान १० बजे सभा आयोजना गर्ने निर्णय गरेको छ ।
.gif)
उक्त सभामा प्राथमिक सेयर निष्काशन गर्ने,कम्पनीको प्रबन्धपत्र तथा नियमावलीमा संशोधन गर्ने र यस विषयमा नियमनकारी निकायबाट कुनै संशोधन गर्न निर्देशन प्राप्त भएमा सोही बमोजिम गर्न सञ्चालक समितिलाई अख्तियारी प्रदान गर्ने विशेष प्रस्ताव पारित हुनेछ ।
यस्तै सभामा सञ्चालक समितिको अध्यक्षका तर्फबाट प्रस्तुत हुने आव २०८०/८१ को वार्षिक प्रतिवेदन र सो अवधिको अन्य वित्तीय विवरणहरु समेत पारित गरिनेछ । सभाले हाल कायम चुक्तापूँजीको १०.५२६ प्रतिशत नगद लाभांश(करसहित) प्रदान गर्ने सञ्चालक समितिको प्रस्ताव समेत पारित गर्नेछ ।
.png)
.jpg)
.jpg)
.png)
(1).png)
