.gif)
_(1).gif)
.jpg)
.png)
काठमाण्डौ । भारतीय धनाढ्य तथा अडानी ग्रुपका मालिक गौतम अडानी एक वर्षपछि पुनः१०० अर्ब डलर क्लबमा प्रवेश गरेका छन् । हिन्डनबर्गको अनुसन्धानको प्रतिवेदन सार्वजनिक भएपश्चात अडानीलाई १०० अर्ब डलर क्लबमा पुनरागमन गर्न एक वर्ष लागेको छ ।
ब्लुमबर्गको रिपोर्टका अनुसार आज अडानीको नेटवर्थ २.७३ अर्ब डलर बढेर कुल नेटवर्थ १०१ अर्ब डलर पुगेको छ । यसका साथै उनी ब्लूमबर्ग बिलिनियर्सको सूचीमा १२ औँ स्थानमा छन् ।
(1).gif)
यसका बाबजुत अडानीको सम्पत्ति सन् २०२२ को तुलनामा अझै ५० अर्ब डलर कम छ । सन् २०२२ मा अडानीले जेफ बेजोसलाई उछिन्दै विश्वको दोस्रो धनी व्यक्ति बनेका थिए ।
हिन्डनवर्गको प्रतिवेदनमा उनलाई सेयर म्यानीपुलेशन गरेको आरोप लगाइएको थियो । जसपश्चात उनको सम्पत्तिमा तीव्र गिरावट आएको थियो । तर गत महिना भारतको उच्च अदालतले यस विषयमा अडानीलाई सफाई दिएको थियो ।
अडानीले सन् १९८८ मा कमोडिटी व्यापार व्यवसाय स्थापना गर्नु अघि हीरा व्यापारको रुपमा आफ्नो क्यारियर सुरु गरेका थिए । जुन पछि कालान्तरमा गएर अदानी इन्टरप्राइजेजमा विकसित भयो। अडानीसँग अहिले कोइलादेखि स्वच्छ ऊर्जा क्षेत्रका कम्पनीसहरु छन् ।
आलोचकहरू अडानीको पुनरागमन नातावादमा धेरै निर्भर छ बताउने गरेका छन् । उनलाई भारतीय प्रधानमन्त्री नरेन्द्र मोदीको नजिकको सहयोगीको रूपमा हेरिन्छ।
अडानीले अहिले भारतको सत्तारुढ भारतीय जनता पार्टी(भाजपा)ले विकासलाई प्राथमिकता दिएका क्षेत्रहरूमा आफ्नो व्यवसाय विस्तार गर्ने योजना बनाईरहेका छन् । भाजपाको सहयोगमा उनले विभिन्न क्षेत्रहरुमा सहज पहुँच पाईरहेको आलोचकहरुले दाबी गर्दै आईरहेका छन् ।
.gif)
.png)
.jpg)
.jpg)
.jpg)
(1).gif)
.gif)
