घानामा बढ्दो महङ्गी, टमाटरको विकल्पमा प्रयोग हुन थाल्यो तरभुजा र चुकन्दर

काठमाण्डौ । पश्चिम अफ्रिकी देश घाना यतिबेला मुद्रास्फीतिको समस्यासँग जुधिरहेको छ । पछिल्लो समय मुद्रास्फीति वृद्धिको गति सुस्त भएको छ । तर टमाटर जस्ता तरकारीको मूल्य भने अझै घटेको छैन । यहाँ टमाटरको मूल्य ४२ प्रतिशतले बढेको छ ।

यस्तो अवस्थामा घानामा टमाटरको साटो अन्य तरकारी र फलफुलको प्रयोग हुन थालेको छ । घानामा टमाटरको साटो तरभुजा,चुकन्दर जस्ता नयाँ रेसिपीको प्रयोग हुन थालेृको बीबीसीले जनाएको छ ।

घानामा तरभुजाको मूल्य टमाटरको मूल्य भन्दा आधि सस्तो पाइन्छ । फुड कन्टेन्ट क्रियटरहरुले समेत टमाटरको विकल्पमा प्रयोग गर्न सकिने वस्तुहरुका बारेमा भिडियो बनाउन थालेका छन् ।

उपभोक्ताहरुले खानामा टमाटरको साटो प्रयोग भएको तरभुजाले खानाको स्वाद बढेको बताएका छन् ।