प्राइम कमर्सियल बैंकको नाफामा १४.३४% को कमी, ईपीएस १९.२८ रुपैयाँ

काठमाण्डौ । प्राइम कमर्सियल बैंकको खुद ब्याज आम्दानी बढेतापनि खुद नाफा भने घटेको छ । बैंकले चालु आवको दोस्रो त्रैमाससम्ममा १ अर्ब ८६ करोड रुपैयाँ खुद नाफा आर्जन गरेको छ । यो रकम अघिल्लो आवको सोही अवधिका्े तुलनामा १४.३४ प्रतिशतले कम हो ।  

अघिल्लो आवको दोस्रो त्रैमाससम्ममा बैंकले २ अर्ब १८ करोड रुपैयाँबराबरको खुद नाफा कमाएको थियो । यो अवधिमा बैंकको खुद ब्याज आम्दानी भने बढेको छ । खुद ब्याज आम्दानी ३ अर्ब ८७ करोड रुपैयाँबाट बढेर ४ अर्ब ४१ करोड रुपैयाँ पुगेको छ ।  

बैंकको कुल सञ्चालन आम्दानी ४ अर्ब ७७ करोड र सञ्चालन मुनाफा ३ अर्ब १८ करोड रुपैयाँ रहेको छ । १९ अर्ब ४० करोड रुपैयाँ चुक्तापूँजी भएको बैंकको रिटेन्ड अर्निङमा १ अर्ब ८४ करोड रुपैयाँ र रिजर्भमा १० अर्ब ३१ करोड रुपैयाँ रहेको छ ।  

ग्राहकहरुबाट २ खर्ब ३१ करोड रुपैयाँ निक्षेप संकलन गरेको बैंकले १ खर्ब ९७ अर्ब रुपैयाँ कर्जा प्रवाह गरेको छ । दोस्रो त्रैमाससम्ममा बैंकको वितरणयोग्य मुनाफा १ अर्ब ८४ करोड रुपैयाँ र वार्षिक वितरणयोग्य प्रतिसेयर आम्दानी १४.९८ रुपैयाँ रहेको छ ।  

समीक्षा अवधिसम्म बैंकको प्रतिसेयर आम्दानी(ईपीएस)१९.२८ रुपैयाँ, प्रतिसेयर कुल सम्पत्तिको मूल्य १ हजार ४९६.९७ रुपैयाँ,मूल्य आम्दानी अनुपात १२.८१ गुणा,प्रतिसेयर नेटवर्थ र तरलता अनुपात २६.४३ प्रतिशत रहेको छ ।