.gif)
_(1).gif)
.png)
काठमाण्डौ । एशियाका सबैभन्दा धनी व्यक्ति मुकेश अम्बानीका कान्छा छोराको बिहेको चर्चा पुनः हुन थालेको छ । यसअघि गत मार्च १ देखि ३ सम्म गुजरातको जामनगरमा भव्यताका सम्पन्न प्रि–वेईडिङ समारोहले विश्वभरको ध्यान तानेको थियो । अब भने जुलाई १२ मा हुन गईरहेको अनन्त अम्बानी र राधिका मचेन्टको विवाहको मिति नजिकिएसँगै विवाह समारोहको चर्चा पुनः हुन लागेको हो ।
अनन्त र राधिकाको विवाह उत्सवको सुरुवात गत जुलाई ३ बाट मामेरु इभेन्टका साथ सुरु भईसकेको छ । यतिबेला यो विवाहको निमन्त्रणा कार्ड र खर्चका बारेमा चर्चा भईरहेको छ । अनन्तको विवाहमा मुकेश अम्बानीले जमेर खर्च गरिरहेका छन् ।
आगामी १२ जुलाईमा मुम्बईमा हुन गईरहेको समारोहमा अनन्त र राधिका विवाह बन्धनमा बाधिदैछन् । यो विवाहको निमन्त्रणा कार्ड बाड्न सुरु भईसकेको छ । यो कार्डको लुक्स र यसको मूल्यलाई लिएर यतिेबला सामाजिक सञ्चाल तातेको छ । यो कार्य एउटा मन्दिरको आकारमा बनाइएको छ । जसमा सुन र चाँदीको सानो मुर्ति पनि छ । यो कार्ड एउटा सुनौलो रंगको बाकसमा राखिएको छ । जसलाई खोल्ने बित्तिकै भगवान विष्णुको तस्बिर देखिन्छ । त्यसलाई हटाएपछि मन्त्र धुन बज्छ । यसपछि अगाडीको भाग खोल्दा एउटा चाँदीको बाकस देखिन्छ । जसमा केहि गिफ्ट र निमन्त्रणा पत्र राखिएको छ । यसमा भगवान गणेशदेखि लिएर राधा–कृष्णसम्मको साना मूर्ति रािखएको छ । जुन सुन र चाँदीबाट बनेका हु्न् । यो कार्डको मूल्यका बारेमा कुने आधिकारीक खुलासा भएको छैन । तरपनि यो कार्डको अनुमानित लागत ६ देखि ७ लाख भारु रहेको जनाइएको छ ।
.gif)
यसअघि गत मार्च १ देखि ३ सम्म भएको प्रि–वेईडिङ समारोहमा मार्क जुकरबर्ग, बिलगेट्स देखि लिएर रिहाना जस्ता व्यक्तित्व सहभागी भएका थिए । ३ दिनसम्म चलेको उक्त समारोहमा करिब १ हजार करोड भारु खर्च गरिएको थियो । उक्त समारोहका क्रममा जामनगर विमानस्थलमा करिब साढे ३ सय विमान आएका थिए ।
जामनगरपश्चात दोस्रो प्रि–वेइडिङ पार्टी इटलीको क्रुजमा भएको थियो । यो समारोहमा अम्बानी परिवारले १० वटा विमान चार्टर गरेको थियो । यो समारोहमा अम्बानी परिवार,व्यवसायिक साझेदार,डान्सर र इभेन्टका स्टाफ सहभागी भएका थिए । यो समारोहमा रोल्स–रोयसदेखि लिएर बन्ट्ले र मर्सिडिज जस्ता १५० वटा लक्जरी कारहरुको व्यवस्था गरिएको थियो ।
रिलायन्स इन्डस्ट्रिजका अध्यक्ष मुकेश अम्बानी र निता अम्बानीले आफ्नो कान्छो छोराको विवाह समारोहमा कुने पनि कमी हुन दिएका छैनन् । ब्लूमबर्ग बिलिनियर्स इनडेक्सका अनुसार मुकेश अम्बानीको कुल सम्पत्ति ११८ अर्ब डलर छ । उनी विश्वको १२ औं धनी हुन् । यो वर्ष अम्बानीको सम्पत्तिमा व्यापक उछाल आएको छ । यो वर्ष उनको सम्पत्ति २१.२ अर्ब डलरले वृद्धि भएको छ । -एजेन्सी
.png)
(1).png)
.jpg)
.jpg)
.png)
.gif)
.gif)
.gif)
