सबै बीमा कम्पनीको सेयरभाउ घट्यो, हिमालयन र नेपाल रि का सेयरधनीले सर्वाधिक गुमाए

काठमाण्डौ । साताको अन्तिम कारोबार दिन सेयरबजारमा दोहोरो अंकको गिरावट आएको छ । नेप्से परिसूचक ३०.९२ अंकले घटेर २हजार ०६७ विन्दुमा झरेको छ ।  

नेप्से सूचकसँगै कारोबार रकम समेत घटेर ४ अर्ब १८ करोडमा सीमित भएको छ । नेप्सेमा रहेका १३ उपसूचकमध्ये वित्त उपसूचकबाहेक अन्य सबै उपसूचक राताम्य भएका छन् ।  

Sponsored

बीमा समूहका दुईवटै उपसूचक घटेका छन् । जीवन बीमा समूह १।२७ प्रतिशत र निर्जीवन बीमा समूह १.१५ प्रतिशतले घटेको छ ।  

बीमा समूहहरु घट्दा आज सबै बीमा कम्पनीको सेयरभाउ घटेको छ । सर्वाधिक गुमाउने अर्थात् सेयरभाउ घट्ने बीमा कम्पनीमा दुई पुनर्बीमा कम्पनी छन् ।  

नेपाल पुनर्बीमा कम्पनीको २.९५ प्रतिशतले घटेर ७९२ रुपैयाँ कायम भएको छ, भने हिमालयन रि इन्स्योरेन्सको २.७३ प्रतिशतले घटेर ६९५ रुपैयाँ कायम भएको छ ।  

जीवन बीमातर्फ गुमाउने  

जीवन बीमा कम्पनीहरुमध्ये सर्वाधिक गुमाउने कम्पनीमा रिलायबल नेपाल लाइफ इन्स्योरेन्स रहेको छ । कम्पनीको सेयरभाउ २.५६ प्रतिशतले घटेर ४५७ रुपैयाँ कायम भएको छ ।  

त्यस्तै, प्रभु महालक्ष्मी लाइफको २.४२ प्रतिशत, आइएमई लाइफको २.१४ प्रतिशत, हिमालयन लाइफको १.५८ प्रतिशत, एलआईसी नेपालको १.५३ प्रतिशत, नेशनल लाइफको १.२० प्रतिशत, नेपाल लाइफको ०.९९ प्रतिशत, सुर्यज्योति लाइफको ०.७६ प्रतिशत र सिटिजन लाइफको ०.७१ प्रतिशतले सेयरभाउ घटेको छ ।  

निर्जीवन बीमातर्फ गुमाउने  

निर्जीवन बीमा कम्पनीमा सबैभन्दा गुमाउने अर्थात् सेयरभाउ घट्नेमा सानिमा जिआईसी इन्स्योेरेन्सको रहेको छ । कम्पनीको सेयरमूल्य २.४५ प्रतिशतले घटेर ५१७ रुपैयाँ कायम भएको छ ।  

त्यस्तै, नेको इन्स्योरेन्सको सेयरमूल्य १.५६ प्रतिशत, शिखरको १.३७ प्रतिशत, हिमालयन एभरेष्टको १.३० प्रतिशत, आइजीआई प्रुडेन्सियलको १.२५ प्रतिशत, नेपाल इन्स्योरेन्सको १ प्रतिशत, एनएलजीको ०.९८ प्रतिशत, सलिकोको ०.३२ प्रतिशत, राष्ट्रिय बीमा कम्पनीको ०.३२ प्रतिशत र प्रभु इन्स्योरेन्सको ०.१२ प्रतिशतले घटेको छ ।  

सर्वाधिक कारोबार हुने टप १० कम्पनीको सूचीमा ३ बीमा कम्पनी परेका छन् । आज सबैन्दा बढी हिमालयन रि इन्स्योरेन्सको ५४ करोड १ लाख रुपैयाँमाथिको कारोबार भएको छ । त्यस्तै, नेपाल रि को १४ करोड ४४ लाख रुपैयाँ र आइजीआई प्रुडेन्सियल इन्स्योरेन्सको ७ करोड ९ लाख रुपैयाँमाथिको कारोबार भएको छ ।