नेपाल फाइनान्स २.४० करोड घाटामा, वितरणयोग्य मुनाफा पनि २५ करोड बढीले ऋणात्मक

काठमाण्डौ । नेपाल फाइनान्स लिमिटेडले चालु आर्थिक वर्ष २०८१/८२ को पहिलो त्रैमासको अपरिष्कृत वित्तीय प्रतिवेदन सार्वजनिक गरेको छ । जसअनुसार कम्पनी २ करोड ४० लाख रुपैयाँ घाटामा रहेको छ । अघिल्लो आवको सोही अवधिसम्ममा पनि कम्पनी २ करोड २ लाख रुपैयाँ घाटामा थियो ।    

समीक्षा अवधिसम्म कम्पनीको खुद ब्याज आम्दानी भने ९०.०५ प्रतिशतले वृद्धि भएर २ करोड ९० लाख रुपैयाँ पुगेको छ । कम्पनीको कुल सञ्चालन आम्दानी घटेर ६० लाख ८८ हजार रुपैयाँमा सीमित बनेको छ ।  

यस्तै कम्पनीको सञ्चालन नाफा पनि २ करोड ४० लाख रुपैयाँले ऋणात्मक रहेको छ । कम्पनीको कुल शुल्क तथा कमिशन आम्दानी बढेको छ । कम्पनीले पहिलो त्रैमाससम्म ३८ लाख ३४ हजार रुपैयाँबराबरको कुल शुल्क तथा सञ्चालन आम्दानी गरेको छ । जुन अघिल्लो आवको तुलनामा ५८.४० प्रतिशतले बढी हो ।  

समीक्षा अवधिसम्म कम्पनीले इम्पेयरमेन्ट चार्जका लागि २ करोड ८८ लाख रुपैयाँ छुट्टाएको छ ।  कम्पनीको वितरणयोग्य मुनाफा भने २५ करोड ७ लाख रुपैयाँले ऋणात्मक अवस्थामा रहेको छ ।  

कम्पनीको रिटेन्ड अर्निङ २५ करोड ७ लाख रुपैयाँले ऋणात्मक रहेकोमा रिजर्भको आकार भने ७.०४ प्रतिशतले बढेर ४६ करोड १३ लाख रुपैयाँबराबर पुगेको छ । यो अवधिसम्म २ अर्ब ९१ करोड रुपैयाँ निक्षेप संकलन गरेको कम्पनीले २ अर्ब १६ करोड रुपैयाँबराबरको कर्जा प्रवाह गरेको छ । कम्पनीको खराब कर्जा अनुपात पनि घटेको छ । अघिल्लो आवमा ११.७५ प्रतिशत रहेको खराब कर्जा अनुपात घटेर १०.३६ प्रतिशतमा झरेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस)३.२९ रुपैयाँ ऋणात्मक, पीई अनुपात ४३९.५९ गुणा ऋणात्मक,प्रतिसेयर नेटवर्थ १३५.८६ रुपैयाँ,प्रतिसेयर कुल सम्पत्तिको मूल्य ५७९.१२ रुपैयाँ र तरलता अनुपात ४८.७१ प्रतिशत कायम भएको छ ।