(1).gif)
(2).gif)
(1).gif)
.png)
काठमाण्डौ । माछापुच्छ्रे बैंक लिमिटेडको प्रमुख कार्यकारी अधिकृत(सीईओ) सन्तोष कोइरालाले कार्यभार सम्हालेका छन् । सीईओ पदमा पुनःनियुक्त भएका कोइरालाले वैशाख १ गतेदेखि कार्यभार सम्हालेका हुन् ।
उनलाई गत पुस ५ गते बसेको बैंकको सञ्चालक समितिको बैठकले २०८१ वैशाख १ गतेदेखि लागू हुनेगरी आगामी ४ वर्षका लागि सीईओ पदमा पुनःनियुक्त गर्ने निर्णय गरेको थियो । सोहि निर्णय बमोजिम कोइरालाले कार्यभार सम्हालेका हुन् ।
सन्तोष कोइराला बैंकिङ क्षेत्रका विभिन्न प्रमुख पदहरूमा २१ वर्षभन्दा बढी सफल अनुभव भएका एक योग्य र परिणाममुखी बैंकिङ व्यवसायी हुन्। उनले आफ्नो करियर बैंक अफ काठमाण्डूबाट सुरु गरेका थिए । बैंक अफ काठमाण्डूमा उनले साढे ४ वर्षभन्दा बढी समय व्यतित गरेका थिए ।
.gif)
त्यसपछि उनी सानिमा बैंक लिमिटेडमा आवद्ध भएका थिए । जहाँ उनले विभिन्न विभागहरूको प्रमुखको रूपमा करिब साढे ९ वर्ष बिताए।
कोइरालाले त्रिभुवन विश्वविद्यालयबाट एमबीए गरेका छन् र इरास्मस विश्वविद्यालय, नेदरल्याण्ड्सबाट एडभान्स म्यानेजमेन्ट र नेतृत्व कार्यक्रममा डिप्लोमा गरेका छन्। उनीसँग बैंकिङका प्रमुख क्षेत्रमा परिचालन र व्यापार दुवै क्षेत्रमा विशेषज्ञता छ। उत्कृष्ट उद्योग ज्ञानको साथ उनीसँग उत्कृष्ट सञ्चार, विश्लेषणात्मक र नेतृत्व क्षमताहरू छन् जुन ग्राहक सेवामा केन्द्रित छन्।
.png)
.jpg)
